7-8 февральыште Йылмым, литературым да историйым научнын шымлыше В.М.Васильев лӱмеш марий институтышто Россий наукын кечыжлан пӧлеклалтше сессий лиеш. Тудо кызытсе гуманитарный науко-влак да нунын ончыкылыкышт теме дене эрта.
Тудын тӱҥ шонымашыже – МарНИИЯЛИ-н сеҥымашыже да паша опытшо дене палдараш, шанче разработко-шамычым ончыкташ. Сессийыште учёный, кугыжаныш пашаеҥ, образований да тӱвыра системылаште тыршыше, аспирант, студент, краевед-влак тыгак филологий, историй, археологий, этнологий, социологий дене кылдалтше ик эн пӱсӧ йодыш-влакым каҥашаш тӱҥалыт.
Г.Кожевникова
