Марий Эл гыч ветеринар фельдшер ден агроном 1 миллион теҥгем сеҥен налме верч таҥасат, увертара регионын Паша да социальный аралтыш министерствыже.
21-22 июльышто Саранскыште «Профессий шотышто эн сай» профессионал мастарлыкым ончыктымо всероссийский конкурсын федеральный йыжыҥже эрта. Тушто Марий Эл гыч ветеринар фельдшер Лидия Никифорова ден агроном Андрей Данилов участвоватлат.
Лидия Никифорова «Ветеринар фельдшер» номинацийыште эн опытанлан шотлалтеш. Тудын паша стажше 41 ийыш погына.
«Агроном» номинацийыште регионын чапшым Андрей Данилов арала. Тудо ялозанлык отрасльыште 20 ий тырша.
Сеҥыше-влакын лӱмышт таче рашемдалтеш. Финалист-шамычлан «Профессийыште эн сай» статусым да 1 миллион теҥге окса премийым пуат.
Мероприятий «Кадр» национальный проектын «Пашан айдемыже» федеральный проектшын кышкарыштыже эрта.
Маргарита ИВАНОВА.
Снимкыште: Лидия Никифорова.
Лидия Никифорован фотожым Марий Элын Паша да социальный аралтыш министерствыже пуэн.
