Оршанкысе М.К.Глушков лӱмеш шуко профилян колледжын преподавательже Лариса Иванова руш (кугыжаныш) да Россий федерацийыште илыше калык-влакын шочмо йылмыштым туныктышыжо-влаклан методический разработко дене всероссийский конкурсын федеральный этапыштыже сеҥышыш лектын.
Тудо «Калык тӱвыра тӱҥалтыш деке» номинацийыште «Изирак ийготан тунемше-влак дене проектым да шымлыме пашам ышташ ончыкылык тӱҥалтыш класслам туныктышо-шамычым ямдылымаште имитаций йӧным кучылтмаш» пашаж дене ончылно лийын.
Г.Кожевникова
Фотом Марий Эл Образований да науко министерстве гыч налме.
