Вÿрым налме да пуымо республиканский станций 14-16 февральыште 8 гыч 11 шагат марте донор-влакым пагален ÿжеш.
Кызыт чыла фенотипан икымше группо, тыгак отрицательный резусан кокымшо да кумшо группо донор-влак моткоч кÿлыт.
Медицине тöнежыште плазмоферез процедурымат эртарат. Тушко регистратурын 8 (8362) 45-43-81 телефон номерже дене, 13 гыч 14 шагат жапыште йыҥгыртен, ончылгоч возалташ лиеш.
М.ИВАНОВА
