Марий Элым вуйлатышын стипендийжым налаш тений чылаже 94 йодмаш пурен.
Тиде кечылаште Эксперт советын заседанийже лийын. Тудын иктешлымашыже почеш, тыгай стипендийым 59 еҥлан пуаш палемдыме: тышеч 28-же кыдалаш профессонал образованийым пуышо верыште тунемеш, 22-шо – кӱшыл образованийым налеш, молыжо – аспирант-влак.
Ушештарена, регионым вуйлатышын стипендийжым налаш манын, тунемшын 50 процент деч шагал огыл «отлично» оценкыже лийшаш. Тыгак тудо республик, Россий, тӱнямбал олимпиаде ден конкурслаште лектышыж дене каундарышаш. Аспирант-влак шотышто ойлаш гын, нуно шанче статьям возышаш, авторский открытийым ыштышаш, эксперимент пашаш ушнышаш улыт.
Тений сентябрь гыч стипендиат-шамыч тыгай кугытан выплатым налаш тӱҥалыт:
1600 теҥгем – кыдалаш образованийым пуышо организаийыште тунемше;
2400 теҥгем – кӱшыл образованийым налше;
3000 теҥгем – аспирант.
Г.Кожевникова
