Кугу Отечественный сарын шерге ветеранже, тулык вате, тылын труженикше-влак! Марий Эл Республикыште илыше пагалыме еҥ-влак!
Тендам Сеҥымаш кече дене саламлем!
9 майым ме элыштына илыше кажне еҥым эн чот пагалыме да кӱлешан пайрем семын палемдена. Кугу Отечественный сарыште совет калыкын сеҥымыже Шочмо эллан ӱшанле улмым да тудым пеш чот йӧратымым уло тӱнялан ончыктышо чапле примерыш, ачана ден кочана-влакын патырлыкыштым, пеҥгыде койыш-шоктышан, сеҥаш лийдыме вий-куатан улмыштым ончыктышо символыш савырнен.
Ий-влак эртат гынат, калыкын героизмжым шарнымаш эреак шӱм-чоныштына илаш тӱҥалеш. Тиде эн волгыдо пайрем да тыгодымак ойган кече. Ты кечын ме кочана ден кугезе кочана-влакын фронтышто ончыктымо подвигышт, тылыште илыше тынысле еҥ-влакын пеҥгыдылыкышт дене пеш чот кугешнена. Кугу Отечественный сарыште сеҥымылан кузе чот шергын тӱлымым сайын шарнена.
Ветеранна-влак ончылно вуйнам савена да мучашдымын тауштена.
Кызыт мемнан элна уэш тергымашым эрта. Ме виян лийшаш, сеҥымашке шуын кертмыланна пеш чот ӱшанышаш, специальный военный операций кундемыште улшо соотечественникна-влаклан полшен шогышаш улына. Шочмо элым, кугыжанышнан лӱмнержым да национальный интересшым аралышыштла, нуно кажне кечын подвигым ыштат. Ме сеҥена, тидлан пеҥгыдын ӱшанена!
Чыла еҥлан пеҥгыде тазалыкым, пиалым, илышыште сайым гына тыланем!
Сеҥымаш кече дене!
Марий Элым Вуйлатыше Ю.В.Зайцев
