21 июньышто Марий Эл образований да науко министр Лариса Ревуцкая ден республикын тазалык аралтыш министрже Марина Панькова ведомство-влак дене кылым кучымо шотышто ойпидышыш кидпалым пыштеныт (снимкыште). Тудын дене келшышын у 2023-2024 тунемме идалыкыште кундемыштына верланыше 6 общеобразовательный организацийыште медицине класслам почаш палемдыме.
Тиде спискыште тыгай тунемме вер-влак улыт:
Йошкар-Оласе 1-ше да 30-шо №-ан школ-влак;
Медведевысе 3-шо №-ан школ;
Шернурысо 1-ше да 2-шо №-ан школ-шамыч;
Марий Турек кыдалаш школ.
Ойпидышын тӱҥ шонымашыже – мемнан республиклан ончыкылык медицине пашаеҥ-влакым ямдылаш.
Г.Кожевникова
Фотом Марий Эл Образований да науко министерствын сайтше гыч налме
