«Культура для школьников» тӱвыра да тунемме проект кышкарыште 1-15 майыште патриотизм шӱлышан «Летопись сердец» акций эрта.
Тений тудо Кугу Отечественный сар дене кылдалтше йоча сылнымут ден кинофильмлан пӧлеклалтын.
Сар тӱҥалмеке, тиде теме элнан искусствыштыжо ик эн тӱҥлан шотлалтын, садлан мочол книгам, мурым возеныт, фильмым сниматленыт, спектакльым шынденыт. Жап ятыр эртен гынат, ты пагыт, салтак-влакын лӱддымын шогымышт да геройлын кредалмышт огеш мондалт.
«Культурадляшкольников.РФ» порталыште да проектын «Вконтакте» соцсетьысе официальный лаштыкыштыже ончаш да лудаш сар нерген кинофильм, ойлымаш ден почеламут-влакым вераҥденыт. Тунемше-влак шканышт келшыше кеч-могай сылнымут але кинопроизведенийлан шке шонымашыштым возен кертыт.
Акций мучашлалтмеке, эксперт комиссий эн оҥай 50 пашам ойыра да «Культура для школьников.РФ» порталыш вераҥда.
А.Байкова
Кеҥеж каныш жапыште республикыште илыше 24 тӱжем утла йочалан моштымашым вияҥдаш йӧн ышталтеш. Тидын нерген Марий Эл правительствыште лудаш…
Марий Эл образований да науко министр Лариса Ревуцкая Запорожье областьысе Куйбышев районыш пурышо тунемме верлаште лийын. Верысе Образований министерствын лудаш…
«Ала почётан званийда уло?» йодмемлан Шернур район Койсола тӱҥ общеобразовательный школышто шуко ий тыршыше уста туныктышо-влак кокла гыч лудаш…
