«Авангард» военно-патриотический рӱдерыште ямдылалтше кадет-влак парашют дене тӧрштылыныт.
«Авангард» рӱдер 2020 ий октябрьыште омсажым почын. Таче кечылан тушто военно-патриотический шўлышан тӱрлӧ кӱкшытан моткоч шуко мероприятий эртаралтеш. Тудо Россий ДОСААФ-ын Марий Элысе региональный пєлкаж дене пеҥгыде кылым куча.
2021 ийыште Россий ДОСААФ-ын Марий Элысе региональный пӧлкаштыже тыршыше-влак «Авангард» рӱдерын воспитанникше-шамычлан патырлык урокым эртареныт, Йошкар-Оласе авиационно-спорт клублан 85 ий теммылан «Влюблённые в небо» кусаралтше фотовыставкым ямдыленыт.
Шукерте огыл «Российын кадетше-влак» военно-патриотический сменыште (тудыжо «Авангард» рӱдерыште эртен) республикнан вич общеобразовательный школыштыжо тунемше 14-18 ияш ӱдыр-рвезе-влак парашют дене тєрштеныт. Тушто Йошкар-Оласе 3-шо №-ан, Морко район Коркатово, Советский посёлкысо 2-шо ден 3-шо №-ан школла, Советский район Ургаш интернат-лицей гыч кумылан-влак лийыныт. Тыгай шкешотан мероприятий Марий Элыште икымше гана эртаралтын. Мутат уке, тидлан ончылгоч ямдылалтыныт. Лӱдыкшымылык инструктажым, теорийым шотыш налаш, тренежёрышто практикым эрташ авиационно-спортивный клубын опытан инструктор-парашютистше-влак туныктеныт.
Парашют дене тӧрштылмӧ деч ончыч «Авангард» военно-патриотический клубын директоржо Борис Салдаев ден Россий ДОСААФ-ын Марий Элысе региональный пӧлкажын вуйлатышыже Вячеслав Тихонов чылаштлан сай тєрштымашым тыланеныт.
Кеҥеж тазаҥдыме сменын пытартыш кечынже парашют дене тӧрштышӧ-шамычлан Йошкар-Оласе авиационно-спорт комплексын начальникше З.Сафин парашютист удостоверенийым кучыктен.
Е.ЭШКИНИНА.
