«Самырык учёный-влакын сай тӱҥалтышан шымлымашым эртарымышт» да «Самырык учёный-влакын вуйлатымышт почеш научный группо дене шымлымашым эртарымаш» мероприятийла дене грантым налаш 2023 ийысе президент программын конкурсшо-шамычым иктешлыме.
Чумыр налмаште Россий шанче фонд 431 проектым сайлан шотлен да кажныжым кок миллион теҥге марте кугытан грант дене палемден. Тыгак тӱшкан ямдылыме 254 пашалан 6 миллион теҥге марте кугытан оксам пуат.
Сеҥыше-влак коклаште Марий кугыжаныш университетын самырык учёныйжо-влакат улыт. Тиде – Естественный науко да фармаций институтын биохимий, клеточный биологий да микробиологий кафедржын доцентше, биологий науко кандидат-влак Михаил Дубинин ден Алёна Семёнова.
Г.Кожевникова
Фотом вузын сайтше гыч налме
