КУЛЬТУР ДА ИСКУССТВО

Самодеятельный коллектив-влак, ушныза!

5-8 апрельыште Москошто да 2-5 ноябрьыште Санкт-Петербургышто Куштымашым шымлыме шотышто всероссийский конгресс да тӱнямбал кӱкшытан «Танцемания» конкурс эрташ тӱҥалыт.

Проект Российысе калык-влакын тӱвыра поянлыкышт идалык дене кылдалтын. Конкурсышто участник-влак мастарлыкыштым лу номинацийыште ончыктат: «Классике куштымаш», «Калык куштымаш», «Стилизоватлыме куштымаш», «Жаплан келшыше куштымаш», «Эстраде куштымаш», «Бальный куштымаш», «Эрыкан пластике», «Степ», «Хип-хоп», «Куштымаш шоу».

Усталык таҥасымаш самодеятельный ансамбль-влаклан (коллективыште 8 еҥ деч шуко огыл да 6-30 ияш-влак лийшаш улыт) эртаралтеш.

«Танцемания» – Евразийыште куштымаш искусство дене ик эн кугу проектлан шотлалтеш. Тудо 5 йыжыҥ дене кум элыште эрта.

Конкурсыш йодмашым тыгай сайтыште ончаш лиеш: www.cid.moscow.

А.Байкова

Опубликовать в Одноклассники

Добавить комментарий