Марла календарь дене келшышын июль тылзе амал деч посна огыл «Сӱрем» маналтеш. 10-17 июльышто Морко ден Юлсер кундемлаште илыше-влак Сӱрем арням палемдат.
Тений Морко район Унчо кундемысе Мер отышто Сӱрем кумалтышыш 12 июльышто лектыт. А Волжский округысо Кугу Корамас велысе Кабаксола кӱсотышто тудым 13 июльышто 14 шагатлан эртарат. 17 июльышто, кугарнян, Усола ял калык Онапу ончылан тауштен пелешта да Сӱрем Кугу Юмо дене вес ий марте чеверласа.
Алевтина Байкован фотожо.
