Вузлаште тунемше-влаклан «Российысе студент-влак еш» конкурс эрта.
Тудын тӱҥ шонымашыже – студент-влак коклаште еш поянлыкым арален кодымо шотышто умылтарымашан пашам эртараш да самырык еш-влаклан полыш.
Конкурсыш вузышто очно да заочно 18-35 ияш марте мужыр-влак ушнен кертыт. Икымше (отборочный) этапыште участник-влакым онлайн-йӧн дене ойырат, кокымшыжо – финал. Финал 2025 ий 5-9 июльышто Москва областьыште Россий кӱкшытан форум семын эртаралтеш. Тушто тематический площадке-влак, тыгак мастер-класс, «йыргешке» ӱстел, Россий Федераций правительствын еҥже-влак дене вашлиймаш-шамыч лийыт.
Участник ден финалист-влак серптификат, диплом да шергакан пӧлек дене палемдалтыт.
Конкурсыш ушнаш онлайн-йодмашым 2025 ий 1 июнь марте пуыман.
Фотом соцкылысе лаштык гыч налме
