12-30 июнь гутлаште Российын кечыже лӱмеш «Шочмо эл нерген муро-влак» всероссийский флешмоб эрта.
«Россий школьник-влаклан тӱвыра» ведомство-влак кокласе тӱвыра да образований проект кышкарыште лиеш да самырык тукымым шочмо верым йӧратыме шӱлышеш шуарымашке виктаралтеш.
Российыште илыше тӱрлӧ калыкым ушышо ты пайрем элнан символжылан шотлалтеш. Самырык-влак элна нерген ик мурым йоҥгалтарыман видеороликым войзышаш да «Россий школьник-влаклан тӱвыра» порталын личный кабинетыштыже савыктышаш улыт. Тидын годым Яндекс.дисклан ссылкым колтыман.
Флешмоб элысе самырык-влаклан шочмо элым йӧратымышт нерген луктын каласаш йӧным пуаш. Шукырак еҥым ушышо паша-влак лийыт гын, утларак сай, палемдат организатор-влак. А тыгайже-влак коклаште Российын Тӱвыра, Просвещений министерствыже-влак, Роскультпроект да Тӱвыран Россий фондшо улыт.
Акцийым иктешлымеке, сеҥышыш лекше 50 пашам кӱшнӧ ончыктымо порталеш савыктат.
С.Носова
