«МАРИЙ ЭЛ» ТАЧЕ

Кумылым савырыше Юрино

Марий Эл вуйлатыше Юрий Зайцев ден Федераций Совет председательын алмаштышыже Константин Косачев эртыше шуматкечын Юрино посёлкыш миен коштыныт, кодшо ийын почылтшо «Бард Виладж» экопаркым ончал савырненыт да «Ромео и Джульетта» балет постановкышто лийыныт.

А ты постановкыж дене Э.Сапаев лӱмеш кугыжаныш академический опер да балет театр Шереметев замкын кумдыкыштыжо «Кеҥежымсе сезон» фестивальым почын.

Регион вуйлатыше экопаркысе кумдыкым, тусо номер-влакым аклен да ты верын турист-шамычлан келшен толмыжым палемден. Ончыкыжым экопарк  республикыш толшо турист толкыным кугемдаш полша манын ӱшаным ыштен. Мутлан, майыште глемпинг кумдыкышто икымше гана автотуризм фестиваль эртен.

Экопарк деч вара Юрий Зайцев ден сенатор балетым онченыт. А тудын мучашлалтмекыже, артист-влаклан тауштеныт да у творческий сеҥымашым тыланеныт.

Марий Эл Республикым вуйлатышын администрацийжын информаций  пӧлкажын уверже негызеш С.Носова ямдылен

Опубликовать в Одноклассники

Добавить комментарий