Элнан ик эн кӱлешан службыжын пашаеҥже-влак 7 июльышто лӱмгече дене саламлымашым налыт.
Авиалесоохранын историйже Нижегородский областьысе Урень оласе аэродром гыч тӱҥалын. Чодырам патрулироватлаш манын, икымше гана По-2 биплан-самолет кавашке нӧлталалтын. Таче марте ты службо нелын миен шуаш лийше районлаште ылыжше чодыра пожарым пеш писын йӧртен кертше кӱлешан службо семын кодеш.
Марий Элыште пожар талышнен кертмым Чодырам аралыше марий авиационный базын 200 утла пашаеҥже эскера. Тиде лӱддымӧ, чытышан, шке шуктымо пашан профессионалже-влак улыт. Нунын тӱҥ задачышт – жапыштыже тул ылыжмым ужын шукташ да оперативно йӧрташ.
Лӱмгече дене тендам Марий Элын Пӱртӱс поянлык, экологий да йырым- йырысе средам аралыме министерствыже саламла да ужар поянлыкнам аралыме пашаланда таушта.
Министерствын воткыл лаштыкше гыч налме фото-влак.
