Кодшо кечылаште Козьмодемьянск гыч Коротни села марте Юл эҥерыште угыч паром кошташ тӱҥалын.
Тидын нерген Козьмодемьянск ола администраций увертара. Палемдыме график почеш, «Флагман» ВСК-н кок паромжо 6 шагат эр гыч 19 шагат кас марте курсироватлат. Мутлан, кодшо ийын навигаций 8 апрельыште тӱҥалын да 12 декабрьыште мучашлалтын.
Фотом Козьмодемьянск администрацийын воткыл лаштыкше гыч налме.
