КУЧЕМЫШТЕ УВЕР ЙОГЫН

«Российын кечыж дене, Марий Эл!»

Российын кечынже рӱдоласе Ленин лӱмеш площадьыште Марий Элым вуйлатышын пашажым жаплан шуктышо Юрий Зайцев республикыштына илыше самырык еҥ-влаклан – Дмитрий Изергинлан, Софья Майоровалан, Владимир Потехинлан, Ирина Суворовалан, Ксения Уховалан да Артём Шемурановлан – паспортым кучыктен.

«Тиде кече – вийын, шочмо элнан эрыкан улмо да суверенитет пайремже. Тыгай пайремыште ваш умылыдымаш, ӱчашымаш нерген мондыман. Ме ик шонымашан лийшаш улына, тиде шонымашыже – шочмо элым йӧратымаш. Сандене мыланна, пагалыме йолташ-влак, тиде кече ойыртемалтше лийшаш. Кеч-кӧ осалым шоныжо, кеч-могай тушман шеҥгелнына ынже шого, могай гына вий мемнан пӱгырташ ынже шоно – ме икте дечат огына луд, молан манаш гын ме сеҥыше улына. Мемнан ончылно сеҥымаш гына. Тек мемнан элыште порылык, йӧратымаш озаланат. Мый тендам пайрем дене саламлем да эн сайым гына тыланем, а тӱҥжӧ – мланде ӱмбалне тынысым. Российын кечыж дене, Марий Эл! Шочмо кечет дене, шочмо эл!» – погынышо калыкым саламлен тудо.

Юрий Зайцев СМИ-н пашаеҥже-влаклан ӱшандарен каласен: ончыкыжым Марий Эл вияҥаш да пеледалташ тӱҥалеш.

Икымше гана илышыштышт паспортым налше-влак Россий Федерацийын гражданинжын лӱмжым эреак кӱшнӧ кучаш, гражданский обязанностьым сайын шукташ, тунемаш да шочмо эллан пашам ышташ товатленыт.

Погынышо-влаклан поро мутым тыгак Марий Эл Кугыжаныш Погынын председательже Анатолий Смирнов, Россий Федераций Кугыжаныш Думын депутатше Сергей Казанков, рӱдолан мэрже Евгений Маслов, Йошкар-Ола округым вуйлатыше Виктор Кузнецов, ветеран-влакын «Боевое братство» всероссийский мер организацийын Марий республикысе пӧлкажым вуйлатыше Владимир Белоусов ойленыт.

«План шуко, кумыл уло, сандене чылажат шонымо семын лиеш. Ала-мом сайым, кӱлешаным ыштыме шуэш. Тиде кечын шканемат, тыгак пеленем улшо да республикына, элна верч правительствыште тыршыше-влаклан тынысым, вийым, шкан ӱшаным тыланыме шуэш», – каласен мучашлан Юрий Зайцев.

Марий Эл Республикым вуйлатышын организаций да аналитике виктемжын уверже-влак негызеш Г.Кожевникова ямдылен.

 

Опубликовать в Одноклассники

Добавить комментарий