ПОЛИТИКЕ

Российын эн чолга еҥже-влакым чумырат 

4 апрельыште элыштына «Российын лидерже-влак» всероссийский конкурс визымше гана тӱҥалын.

Чынрак каласаш гын, лач ты кечын тиде конкурсыш ушнаш кумылан-влак лидерыроссии.рф сайтыште регистрацийым эрташ тӱҥал кертыт. Сандене мемнан республикыштат кӧн тыгай шонымашыже уло гын, ушныза.

Ушештарыме семын палдарена: управленец-шамычлан «Лидеры России» конкурс Россий Федераций президентын темлымыж почеш 2017 ий годсек эртаралтеш.

Ныл сезон жапыште тушко уло эл гыч 840 тӱжем утла йодмаш пурен. Нунын кокла гыч 400 утла еҥ кугу должностьышто: регион вуйлатышылан, олан мэржылан, федеральный министрын алмаштышыжлан, регионласе правительстве председательлан, Российысе кугу коммерческий компанийын да кугыжаныш холдинг-влакын менеджырыштлан, вузын ректоржылан, тазалыкым аралыме да тӱвыра учреждений-влакын вуйлатышыштлан –  пашам ышташ тӱҥалыныт.

Конкурсыш 2 ий да тылеч шукырак жап вуйлатыме пашам шуктышо 55 ияш марте еҥ-влак ушнен кертыт. Проектын шонымашыже – ончыкылан ӱшаным пуышо вуйлатыше-влакым кычалмаш, нуным куштымаш да полышым пуымаш.

Конкурсышто сеҥыше-влакым палемдыме приз-влак кокла гыч иктыже –  тунемаш 1 миллион теҥгем ойырат.

Л.Камалетдинова

 

Опубликовать в Одноклассники

Добавить комментарий