15 майыште Санкт-Петербургышто «СПО-н лидерже-2023» Мер-профессионал премийын торжественно кучыктеныт. Наградым налше-влак коклаште – Марий Эл гыч ПГТУ-н Йошкар-Оласе аграрный колледжшын директоржо Геннадий Богданов.
Паша верым пуышо организаций дене вашкылым вияҥдыше эн сай паша практикым ончыктышо, тыгак Чемпионат толкынлаште сай лектышым шушо профессионал образованийым пуышо тунемме вер-влаклан тений икымше гана специальный номинацийлам ыштыме. Нунын кокла гыч иктыштыже – «Шокшо- да электроэнергетикылан пашаеҥ-влакым ямдылыме сферыште «Т Плюс» ПАО-н ӱшанле партнёржо» – Йошкар-Оласе аграрный колледж.
Г.Кожевникова
Фотом Йошкар-Оласе аграрный колледжын сайтше гыч налме
