Кучемыште

Роскотым кугемдат

Михаил Васютин: «Тыгай заседаний-влак федерал кӱкшытан йодышлам каҥашымашке ушнаш, регионлан кӱлешан уверым жапыштыже пален налаш йӧным ыштат».

Кугыжаныш Погынын председательже Михаил Васютин Кугыжаныш Думын граждан обществым вияҥдыме, мер да религиозный объединений-влакын йодышлашт шотышто комитетын заседанийыштыже видео-конференц-кыл форматыште участвоватлен. Совещанийыште федерал бюджетын 2027 ийлан да 2028-2029 ийласе плановый пагытлан проектшым кокымшо лудмашыште ончымо жаплан комитетын вуйын шогымо ужашыш пурташ темлыме тӧрлатымашым онченыт.

Комитетын председательже Борис Чернышовын палемдымыж гыч, бюджетын проектыштыже коммерческий огыл секторым финансироватлаш 473,5 млрд. теҥгем пышташ палемдыме. Окса Инвалид-влакын всероссийский обществыштлан, Соҥгыра-влакын всероссийский обществыштлан да Сокыр-влакын всероссийский обществыштлан, Российысе Йошкар Ыреслан, «Боевое братство» мер организацийлан, Афганистанын да специальный военный операцийын ветеранже-влакын Российысе ушемыштлан, Герой-влакын Российысе ассоциацийыштлан, Сарын военный инвалидше-влакын общероссийский мер организацийыштлан, Российысе зависитлалтдыме профсоюз-влакын федерацийыштлан полшаш ойыралтеш.

Российын правительствыже кокымшо лудмашлан НКО-лан полшымо шотышто шым тӧрлатымашым пуртен. Нуно «Жириновский лӱмеш тӱнямбал цивилизаций университет» ден «Универполис» автономный НКО-влаклан, тыгак «Добро.РФ» волонтёр рӱдер-шамычын ассоциацийыштлан финансированийым кугемдымашке виктаралтыныт. Икманаш, 2027 ийыште НКО-влаклан полшаш палемдыме роскот 826,6 млн. теҥгелан кугемеш.

«Тӱвырам вияҥдымаш» кугыжаныш программыланат роскотым 2,4 млрд. теҥгелан кугемдыме да тидлан чумыржо 894,3 млрд. теҥгем пыштыме. Тышечын 3,9 млрд. теҥгеж дене Кугу театрым модернизироватлаш да тудын ешартыш площадкыже-влакым почаш палемдыме.

«Образованийым вияҥдымаш» кугыжаныш программылан роскотым 2 млрд. теҥгелан кугемдаш темлыме. Тиде средства ныл НКО-н социальный проектыштлан ешартыш субсидийым ойыраш, классым вуйлатымылан, шокшо кочкышлан да школьник-шамычым курироватлымылан кучылталтеш.

Гуманитар проект-влак фондлан школышто тунемше-шамычлан Российын духовно-нравственный культуржо нерген видеоматериалым ышташ 234 млн. теҥгем ешарен ойыраш палемдыме, эше 500 млн.теҥгем – гуманитар науко-влаклан полшышо «Моя история» фондлан пӱртӱслӧ огыл уш-акыл ден увер лӱдыкшыдымылык шотышто методический комплекс ден курсым ямдылаш.

Борис Чернышов средствам шеледымым контрольышто кучымо пашам комитетын тӱҥ задачыже семын палемден.

Маргарита ИВАНОВА.

Марий Эл Кугыжаныш Погынын пресс-службыжын фотожо.

Добавить комментарий