Йошкар-Оласе Петров уремым да Ураев бульварым чоҥымо паша мучашлалтын. Кок уремым чоҥымаш Марий Эл Республикын социально-экономически вияҥме шотышто индивидуальный программе кӱшеш шукталтын. Марий Элым вуйлатыше Александр Евстифеев 2 ноябрьыште Петров уремым торжественно почын. Изи Какшанын вес вел серысе микрорайон икмыняр ий ончычак кушкаш тӱҥалын: шуко пачеран пєрт-влак, йоча модмо площадке-шамыч чоҥалтыныт, йочасад, кевыт-влак поче-поче почылтыныт, но тыште илыше-влак корно укелан вуйым шийыныт. Марий Эл вуйлатыше Петров уремым да Ураев бульварым республикын социально-экономически вияҥме шотышто индивидуальный программыш пурташ кӱштен, Александр Евстифеев ик гана веле огыл ойлен: перспективныйлан шотлалтше микрорайонын инфраструктурыжо икганаште тӱрыснек вияҥшаш.
Йошкар-Олалан пеш кулешан кок проектым: «Йошкар-Оласе Киров урем гыч тӱҥалын Петров урем марте Ураев бульварым чоҥымаш (I этап)» да Йошкар-Оласе Воин-Интернпионалист-влак урем гыч тӱҥалын Шернур кугорно марте участкыште Петров уремым чоҥымаш» – илышыш шыҥдараш подрядчик-влак ӱмаштак пижыныт. Ты жапыште машина кудалыштме корным веле огыл, тротуарымат порядкыш конденыт. Тачысе кечылан тӱҥ корно шартышым пыштыме, дренаж системым, йӱр вӱдлан йоген каяшыже канализацийым, эрыктыше сооружений-влакым ыштыме. Тыгак разметке полоса-влакым палемдыме, павильон-влакым вераҥдыме, уремым волгалтарыме, парковко-влакым оборудоватлыме. Кок проектын акшыже 490 миллион теҥгеш шуын.
Республикым вуйлатыше Александр Евстифеев чоҥышо-влак дене мутланен, чапле пашаштлан таум ойлен да Марий Элыште корно чоҥымо паша жапыштыже да писе темп дене ышталтмым, тидын годымак пашан качествыжат сай улмым палемден.
«Пытартыш кок ий жапыште рӱдолаште чапле корно ышталтеш, олаште илыше-влак тидлан тунем шуыныт. Тидыже машинам вӱдымӧ культурылан, корнысо лўдыкшыдымыклан туныкта, уремыште кошташ кумыллырак лийын. Тиде куаным те конденда, садлан тыланда кугу тау. Кодшыжым, 99 миллион теҥгеаш пашам, жапыштыже да сайын шуктеда манын ўшанем. Тугеже тидым Республикын шочмо кечыжлан тўшка пӧлеклан шотлыман: власть кучемынат, чоҥышо-влакынат пӧлекышт. Марий Элын 101 ийжым палемдаш тӱҥалына, кажне пайремлан пєлекым ыштыман. Палемдыман, тиде чапле пєлек ик кечаш веле огыл. Мом те ыштенда, шуко ий калыклан пайдам кондаш тӱҥалеш»,– каласен Александр Евстифеев.
Нине кўлешан проект-влакым илышыш шыҥдарымаш олалан вияҥашыже у ошкыл лиеш, ешарен Марий Эл вуйлатыше.
Марий Эл Республикым вуйлатышын
организаий да аналитике виктемжын
уверже почеш Л.СЕМЕНОВА ямдылен
