Юрий Зайцев «Федеральный собственностьышто улшо погым Марий Эл Республикын кугыжаныш собственностьышкыжо налме нерген» кўштымашке кидпалыжым пыштен
Россий Федерацийын президентшын кўштымыж почеш Росимущество федеральный погым, оксам тўлыде, республиклан пуа.
Ноябрьыште регион вуйлатыше Россий Президент Владимир Путин деке ончычшо Россий Федерацийын казнажын парышышкыже налме южо зданий-влакым республиклан пуэн кертме нерген йодыш дене лектын.
Россий Федерацийын президентше Владимир Путин Юрий Зайцевын йодмашыж дене келшен. Марий Эл вуйлатыше Юрий Зайцев «Федеральный собственностьышто улшо погым Марий Эл Республикын кугыжаныш собственностьышкыжо налме нерген» кўштымашке кидпалыжым пыштен
Республикын собственностьышкыжо кусненыт:
— Йошкар-Ола, Ленин проспект, 24д пєртыштє верланыше илаш келыштарыме огыл 2-шо кумдык, кушто 2023 ийыште «Защитники Отечества» фондын филиалже почылтын. Фондышко специальный военный операцийын участникше ден нунын ешышт полышым йодын мият. Чылаже 23,3 тўжем йодыш дене 6,5 тўжем е‰ миен. Филиал сусыргымо деч вара санаторий ден курортлаше эмлалташ йєным ышта, у илышлан тунем шуаш да пашам муаш полша, ветеран-влакын пачерышкышт «ушан пєрт» системым келыштара, боец-влакым самырык тукымым патриот шўлышеш куштымо мероприятийлашке уша;
— Ленин проспектысе 24в пєртыштє верланыше художественный галерей пелен келыштарыме административно- ужалкалыме «Троеручица» Явление иконы Божей матери» скульптур композиций. Ноябрьыште зданийыште «Герои Отечества» музейно-патриотический рўдер почылтын. Тушто Икымше тўнямбал, Кугу Отечественный сар-влаклан, специальный военный операцийлан пєлеклалтше экспозиций-влак ончыкталтыт, экскурсий ден шинчымашым пойдарыше мероприятий-влак эртаралтыт;
— Йошкар-Оласе Царьградский проспектысе 37-ше пєртыштє «Вход Господень в Иерусалим» скульптур композицийын зданийже да шагатан башне. Тиде зданийыште «Марий Эл Телерадио» ГАУК верланен.
«Нине зданий ден сооружений-влак ик архитектурно-художественный стильым арален кодымаште ик эн кўлешан улыт, нуно турист-влакым шкешт деке шупшыт, тушто социальный кўлешлыкан учреждений-влак верланеныт. Мыйын йодмашем дене келшыше Россий Федерацийын Президентше Владимир Владимирович Путинлан тау. Ынде нине объект-влак частный е‰-шамычлан ужалалтын да шке назначенийыштым алмаштен кертыт манын ойгырышаш уке», — палемден Юрий Зайцев.
Марий Эл вуйлатышын пресс-службыжын уверже негызеш Евгений Садовин ямдылен.