Пошкырт кундем Мишкан районысо администрацийым Лариса Александрова вуйлаташ тӱҥалеш.
Кодшо кечылаште Мишкан муниципалитетын советшын заседанийыштыже районысо депутат-влак у вуйлатышылан марий ӱдырамашым сайленыт. Башкортостан Республикын вуйлатышыже Радий Хабиров палемдымыж почеш, тачысе кечылан Пошкырт кундемыште 6 муниципалитетым ӱдырамаш-влак вуйлатат.
Лариса Геннадьевнам Мишкан калык сайын пала. Тудо 1972 ийыште тыштак шочын. 1944 ийыште Пӱрӧ кугыжаныш педагогике институтым тунем лектын. Вара шым ий руш йылме да литературым туныктышылан школышто ыштен. 2001 ийыште Мишкан районысо ЗАГС пӧлкам вуйлаташ тӱҥалын. 2004 ийыште Мишкан районысо администрацийыш куснен, ончыч архив пӧлкам вуйлатен, вара 2015 ий гыч кадр ден социальный блокын пашажым виктарен. 2021 ий гыч тудым администраций вуйлатышын социальный йодыш да кӧргысӧ политике шотышто икымше алмаштышыжлан шогалтеныт.
Лариса Александрова марий мер илышыштат чолгалыкым ончыкта. У должность дене тудым Радий Хабиров шкенжын Телеграмм-каналыштыжат саламлен.
Снимкыште: Лариса Александрова.
Фотом Мишкан районыс администрацийын воткыл лаштыкше гыч налме.
