УВЕР ЙОГЫН

Пырля паша сай лектышым пуа

Россий Печать кечылан Марий тӱвыра рӱдер марий йылме дене возышо да теле-радиопередаче-влакым вӱдышӧ журналист-влакым иктеш чумырен саламлен.

Таклан огыл, вет Россий Президентын указше почеш, у идалык Российысе калык-влакын тӱвыра поянлыкыштлан (югыпогыштлан) пӧлеклалтеш. Марий журналист-шамычлан тений поснак чолга лийман, йылмына, тӱвырана, йӱлана, историйна нерген кумданрак, келгынарак газет, телевидений, радио гоч палдараш кӱлеш. Вашлиймаш «йыргешке ӱстел» семын эртен. Кажныже Марий тӱвыра рӱдер дене ончыкыжымат кылым кучаш, пашаж нерген тӱшка калыкым палдараш кумылым ончыктен. А ты рӱдер таче чынжымак марий калыкнан  югыпогыжым арален, пойдарен толмаште шуко ышта. Тӱрлӧ йӱла пайремым эртарымыжак мом шога! Марий тӱвыра рӱдер вуйлатыше, Марий Эл Кугыжаныш Погын депутат Наталья Пушкина журналист-влаклан Тауштымашым да шарнымашан пӧлекым кучыктен.

С.Носова

Снимкыште: Н.Пушкина «Марий Эл» газетын пашаеҥже М.Скобелевлан Тауштымашым кучыкта

Опубликовать в Одноклассники

Добавить комментарий