Ленинград областьысе Всеволжск олаште Пеледыш пайрем эртен.
Областьысе марий-влакын «Ший корно» калыкле-тӱвыра автономийышт калык пайремым тений тусо чуваш-влакын пайремже (Акатуй) дене иквереш эртареныт. Сценарийым «Югороно» марий ансамбльым вуйлатыше Екатерина Шабдар ямдылен. Фото, спорт зоно-влак, кидпаша ярмиҥга, мастер- класс-влак лийыныт. Мероприятийым Марий Эл гыч «Марий памаш»калык фольклор-этнографий, Пошкырт кундем гыч «МуроЭм», Виче кундем гыч «Юлавий» усталык коллектив, посна артист-влак сӧрастареныт.
30 майыште регион кӱкшытан марий Семык пайрем Удмуртийыште 30-шо гана Карагӧл район Ныргындыш ялыште, а Виче кундемыште 6 июньышто Пыжанью район Марий Ошай ялыште эртат.
«Ший корно» автономийын воткылже гыч налме фото.
