2025 ий февральыште Марий Элыште СВО-н ветеранже ден участникше-влакым туныктымо «Герои Марий Эл. Талешке-влак» регионысо кадр программылан тӱҥалтышым пуымо.
Тиде программе Россий президент Владимир Путинын кӱштымыж почеш эртарыме «Герой-влакын жапышт» кугу проектын ужашыже. Тудо геройна-влак у шинчымашым, моштымашым да профессийым налышт, республикна верч тыршышт манын ышталтын.
Ойырен налме этап-влак мучашлалтыныт, спискым чумырымо, сентябрьыште икымше участник-влак тунемаш тӱҥалыт.
Программыш ушнышо-влакым мо вуча:
Талын туныктымо 500 академический шагат
Тӱҥ направлений дене 4 очный модуль:
Кугыжаныш политике ден виктарымаш
Экономике ден финанс
Кундемысе ден муниципал виктем
Тачысе илышлан келшен толшо виктарыме технологий
Стажировко, наставничестве, электрон образовательный ресурс дене пайдаланымаш,
Тӱвыра, спорт, командыш чумырышо мероприятий-влак.
