Кажне пел ийыште «Марий Эл» ден «Сурт-пече» газет-влаклан возалтше йолташ-шамычлан лотерейым эртарена. Тиде гана лудшына-влак деч чылаже 252 серыш толын. Нуно квитанцийым электрон йӧн, серыш дене, Ватсап гоч колтеныт.
21 июльышто 2025 ийын кокымшо пелыжлан газетлан возалтше-влак коклаште йӱлашке пурышо лотерей эртаралте. Приз-шамычым редакций пашаеҥ-влак шке ямдыленна, тыгак спонсор-влакат полышым пуэныт. Тиде гана лотерейым вес семын, компьютер полшымо дене, эртарышна. Модын налшым номер гоч лачак тудо рашемден.
Эн тӱҥ призым – презым – Шернур район Лажъялыште илыше Иван Волков модын налын. Спонсоржо – У Торъял район «Первый май» ялозанлык артель вуйлатыше Аркадий Новиков. Ме тудлан редакций лӱм дене кугу таум каласена.
Тӱҥ приз кокла гыч кокымшо – вӱдым тулымо насос – Морко район, Ильинский почиҥга гыч Александр Боголюбовлан логалын. Тудын спонсоржо – «Мастар мари» ООО-н генеральный директоржо Борис Апакаев.
Моло приз нине лудшына-влаклан логалыныт:
пырдыж шагат – Галина Волковалан (Советский район Ӱшнур села);
рӱдаҥдыме корка – Антонина Николаевалан (Морко район Никольский почиҥга ял);
чойн сковородко – Нина Николашкиналан (Параньга район Кугу почиҥга ял);
вӱд темаш кувшин – Елизавета Усоловалан (Параньга район Усола ял);
ӱстембал шовыч – Ирина Пехметовалан (Шернур район Кукнур села);
йолан кӱмыж – Лидия Федоровалан (Волжский район Ярамарий ял);
сад сорла – Любовь Логиновалан (Волжский район Шайрамбал ял);
пикниклан набор – Лидия Семёновалан (Шернур район Кӱшыл Чисола ял);
рулетке – Лидия Семёновалан (Морко район Эҥерсола ял);
фрукт опташ корзиҥга – Римма Павловалан (Оршанке район Марий Ернур ял);
кок кӱпчык – Елизавета Копаевалан (Шернур район Нурсола ял);
кӱварваке шындыме виса – Александр Ивановлан (Волжский район Памашэҥер ял);
опрыскиватель – Николай Митяковлан (Волжский район Памашэҥер ял);
миске набор – Николай Соловьевлан (Шернур район Кучанур ял);
ведра ден корка – Валерий Виноградовлан ( Параньга район Памашъял ял);
Марий Элын калык поэтше Геннадий Сабанцев деч книга-влак – Лидия Ерослановалан (Советский район Кельмаксола ял);
«Марий Эл» увер агентстве деч книга-влак – Маргарита Исаевалан (Параньга район Кугу Пумарий села); Раисия Павловалан (Параньга район Усола ял); Елизавета Березиналан (Шернур район Пӱнчерйымал ял).
Кӧ лотерей ден модмашке ушнен, чылалан тау. Ме, газет пашаеҥ-влак, ончыкыжымат тӱрлӧ приз дене куандараш тӱҥалына, а те «Марий Эл» ден «Сурт-пече» газет-влаклан возалташ ида мондо.
Палашда
Модылтшо чыла приз газет редакцийыштына кия. Адресна: Йошкар-Ола, СССР Вооружённый Вийын 70-ше идалыкше урем, 20. Призым налаш толаш тарваныме деч ончыч +7(8362) 49-55-11 номеран телефон дене йыҥгырташ ида мондо.
Михаил Скобелевын фотожо.
