Российын Минфинже «Россий Федерацийын цифровой экономикыже» национальный программым илышыш пуртымо кышкарыште цифровой компетенций ден цифровой грамотностьым вияҥдыме шотышто мероприятийым эртара. Проект россиян-влаклан IT-шинчымашым образовательный программын пел акешыже налаш йӧным ышта.
Кызыт еҥ-влак DataScience, Веб-аналитике, ProduktManager, Мобильный разработко, Данный-влак анализын технологийже-шамыч, ПО тестирований, Искусственный интеллектын технологийже-влак, Веб-разработко да моло программым ойырен налын кертыт. Нуным Нетологий, Иннополис университет, ИТМО, НТИ образовательный компетенций-влак рӱдер, Образований Инвольта, «Цель» МЦК темлат.
Кажне программе дене 250 академический шагат тунемаш кӱлеш. Шинчымашым налме иктешлымаш почеш образовательный организаций-влак граждан-шамычлан профессийлан угыч ямдылалтме нерген дипломым пуат.
План почеш, 2021 ийыште курсым 5 тӱжем деч шагал огыл колыштшо эрта, а 2024 ийлан 110 тӱжем деч шагал огыл еҥ тунем лектеш. Тымарте проектыш 3 тӱжем утла еҥ йодмашым пуэн.
Программын каталогшо чарныде пойдаралтеш. Сентябрьыште GeekBrains, Skillfactory, Яндекс.Практикум, СберУниверситет, Skyeng, 1С-Образований, Инвольта, Россий Федераций правительстве пеленысе Финанс университет, Н.Э.Бауман лӱмеш МГТУ, Г.В.Плеханов лӱмеш РЭУ да моло образовательный организаций у программыштым темленыт.
Проектыш Российын 16 ий деч кугурак кокла профессиональный але кӱшыл шинчымашым налме нерген дипломан гражданже-влак ушнен кертыт. Колыштшо-шамыч каталогышто программым ойырен налме да курсын пел акшым тӱлымӧ деч вара вигак тунемаш тӱҥалын сеҥат. Таче кечылан программын акше 18 тӱжем теҥге гыч тӱҥалеш – «Веб-разработчик» программе дене 4,5 тылзаш курс лач тынар шога.
Расписаний ден чыла программым проектын Университет 2035 операторжын каталогыштыжо https://profidigital.ru/catalog ссылке дене муаш лиеш.
М.ИВАНОВА
