Тений 16 мартыште #МЫВМЕСТЕ тӱнямбал премийлан старт пуалтын, тушко коммерций огыл ден социальный инициативе организаций-влакын, волонтёр толкынын, медиа сферын, бизнесын еҥже-влак – ийготышт дене 14 ияш деч кугурак-шамыч – ушненыт.
Марий Эл деч ты премийым налшаш верч чылаже 235 йодмаш пурен, тышеч 93-шо регионысо йыжыҥым эртен, тиде: «Йӧн лиймаш эл» (31), «Еҥ-влаклан полыш» (17), «Кугу перемен» (16), «Калык тазалык» (13), «Илыш кумдык» (12), «Чын бизнес» (2) да «Медиапроект» (2).
4 гыч 7 июль марте премийын участникше-влак шке проектыштым офлайн да онлайн йӧнла дене араленыт. «Тений пеш чот ойыртемалтше проект-влак темлалтыныт, у лӱм-влак лектыныт», – ойла Самырык-влакын полатышт пеленысе Добровольчествын ресурс рӱдержын вуйлатышыже Евгения Кудрявцева.
Премийын призёржо-влак шкеныштым проектыштым илышыш шыҥдараш 3,5 миллион теҥге марте грантым налын кертыт.
Л.СЕМЕНОВА
