Республикыште «Профессионалитет» федеральный проект умбакыже илышыш пурталтеш.
Марий Элын профессионал могырым ончылгоч ямдылыме рӱдержын пашаеҥже-шамыч 2025 ийыште республикысе школышто тунемше-влаклан профориентаций дене кылдалтше ятыр мероприятийым эртареныт. Тушко 2000 утла ӱдыр-рвезым, тыгак экономике, промышленность да медицине сферла гыч 93 предприятий-партнёрым ушеныт.
Республикысе предприятий ден организацийлаште эртарыме экскурсийлаште тунемше-влакым паша процесс, материально-технический базе, пашадар, стажировко да шуко моло дене палдареныт, мастер-классым ончыктеныт.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
