Россий ФСБ-н Марий Элысе управленийжын материалже-влак почеш Шернур районышто наркотикым ямдылыме лабораторийым ыштыше ик пӧръеҥым судитленыт.
УФСБ пашаеҥ-влак тиде лабораторий улмо нерген 2024 ий майыште пален налыныт. Нуно наркотикым ышташ кучылтмо оборудованийым, тӱрлӧ веществам, ужалаш ямдылыме 3,5 кг наркотикым, 1млн. теҥге оксажым поген налыныт.
Суд пӧръеҥым титаканлан шотлен да 16 ийлан эрык деч посна кодаш, пеҥгыде режиман исправительный колонийыш колташ, 450 тӱжем теҥге штрафым тӱлыкташ пунчалым луктын, палдара Россий ФСБ-н Марий Элысе управленийжын пресс-службыжо.
Любовь Камалетдинова
Фотом Россий ФСБ-н Марий Элысе управленийжын пресс-службыж гыч налме
