Ешын идалыкыштыже Икымше-влакын толкынышт «Шонымашым шуктышо ёлко» Россий кӱкшытан акций кышкарыште «Выручаем» поро кумыл фонд дене пырля «Пайремым ӱстембаке» акцийым эртара.
Тудын тӱҥ шонымашыже – начарын илыше еш гыч йоча-влаклан полыш. Полшаш кумыл уло гын, эн ончыч акцийын сайтышкыже пурыман. Тушто кочкыш сатулан сертификатлан оксам тичмашнек але пелыж наре колтыман. У ий пайрем вашеш погымо средствалан организатор-влак 5000 теҥге кугытан пӧлек сертификатым ыштат да нелылыкыш логалше икмыняр ешлан колтат. Но тыгай пӧлекым налаш еш-шамычлан 2024 ий 20 декабрь марте праздникнастол.рф сайтыш йодмашым колтыман.
Пӧлек сертификат дене кочкыш сатум еш-влак 2024 ий 30 декабрь марте «Пятёрочка» кевытлаште налын кертыт.
Г.Кожевникова
Фотом праздникнастол.рф сайт гыч налме
