22 ноябрь гыч 15 декабрь марте Марий Элыште «Поро паша еш марафон» кумда социальный модмаш-акций эрта.
Тушко Марий Турек, Медведево, Морко, У Торъял, Оршанке, Советский районлаште да Йошкар-Олаште илыше еш-влак ушнен кертыт. Молан лач нине кундем гына? Лач тушто «Семейное добровольчество – территория возможностей» проект илышыш шыҥдаралтеш.
Тиде акций шкем доброволец семын ончыкташ, у опыт дене палыме лияш, экологий, кундемым тӱзатымаш направленийлаште, тыгак икшыве, илалше еҥ-влаклан, тӱвыра, моло сферыште полышым пуаш йӧным ышта.
2-5 еҥан еш команде-влак 25 ноябрь марте регистрацийым эртышаш улыт.
Нунылан добровольческий вакансий-влак радаман Маршрут кагазым пуат. Вакансий-влакым 30 утла тӱрлӧ кугыжаныш, муниципал учреждений ден социально-ориентированный манме мер организаций-влак темленыт. Маршрут кагазыште дистанционно (online) шукташ келшыше заданий-влакат лийыт. Еш-влак шканышт келшыше вакансий-влакым (поро пашам, заданийлам) ойырен налыт.
Вакансий-влакым темлыше-влак куратор-шамычым ойырат. Нунак вараже доброволец-шамыч дене кылым кучаш да пашаштым виктараш тӱҥалыт.
Марафоным 20 декабрь деч вара иктешлат.
Модмаш-акцийым «Марий Элысе Йоча да подростко-влакын «Эр вий» ушемышт» региональный мер организаций республикысе Самырык-влакын политикышт, спорт да туризм министерстве, Марий Турек, Медведево, Морко, У Торъял, Оршанке, Советский район-влакын да «Йошкар-Ола» округын администрацийышт полшымо дене эртара.
Организатор-влак дене кылым тыгай йӧн-влак дене ышташ лиеш:
электронный адрес: sdpoerviy@mail.ru
ВКонтакте соцкылыште: https://vk.com/club202609761.
Модмаш-акцийын вуйлатышыже – Маргарита Михайловна Маланова, «Эр вий» СДПО-н председательже, тел. 89278713727.
Л.Камалетдинова
