ЕШ ДА ИКШЫВЕ ФИНН-УГОР ТӰНЯ

Ыштышаш пашам палемденыт

12 ноябрьыште Йошкар-Олаште, С.Г.Чавайн лӱмеш калыкле книгагудышто, республикысе «Саскавий» марий ӱдырамаш мер ушемын  сайлыме у вуйвержын икымше погынымашыже эртыш.

Икымше погынымаште, мутат уке, эн ончычак паша планым ыштат. Тыштат тӱҥалтыште вуйверыште мыняр сектор лийшашым каҥашыме да кумытым палемдыме. Икымше – тиде «тӱвыра да тӱшка мероприятий-влак» сектор. Тудым Галина Ширяева вуйлаташ тӱҥалеш. Кокымшо – «спорт да тазалык». Ты секторым вуйлаташ Маргарита Тойшевалан ӱшаныме. Кумшо сектор «шочмо йылме – ава чон» маналташ тӱҥалеш. Тудын вуйлатышыже Галина Шкалина лиеш манын мутланен келшыме.

Тылеч вара идалык мучашлалтмешке кодшо жаплан да шушаш ийлан паша планым ыштыме. Тушто ушемын але марте эртарыме кугу мероприятийже-влакым умбакыже шуяш, республикысе районлаште марий ӱдырамаш-шамычын ушемыштым чумыраш да нунылан полшаш, пеҥгыде кылым ышташ ойым пидме. Тыгак моткочак кӱлешан кок у проектым ешарыме.

Тиде погынымаштак «Саскавий» ушемын специальный военный операцийыш наҥгайыме салтак-влаклан кузе полшымо нерген иктешлымашым ыштышт. Ӱдырамаш-влак чылаже 46 тӱжем теҥгем погеныт да тиде окса дене тӱҥ шотышто нунылан марий тамган шевроным тӱрлен колтеныт.

Любовь Камалетдинова

 

 

Опубликовать в Одноклассники

Добавить комментарий