Маристатын палдарымыж почеш, тений кок тылзе жапыште республикыште 320 мужыр ешым чумырен. Тидыже ӱмашсе тыгаяк жап дене таҥастарымаште 17,3 %-лан шагалрак.
Тыгодым 2022 ийыште январь-февральыште 963 йоча шочын. Нунын кокла гыч кугурак ужашыже – 396 икшыве – Йошкар-Олаште, 71 – Волжскышто да 22 – Козьмодемьянскыште.
Район-влак коклаште эн шуко йоча (133) Медведево районышто шочын. Кокымшо верыште Звенигово район – 48 икшыве, кумшо верыште – Морко район. Тушто 47 ӱдыр-эрге ош тӱняшке толын.
Л.Камалетдинова
