Сеҥымаш бульварьыште, Первомайский урем велым пурымаште, тулсавышым ушештарыше пеледыш инсталляций моторын койын шога. «Ола» предприятийын пашаеҥже-влакын ойлымышт почеш, пеледыш кашпом салют семын келыштарыме, а атылашке шындылме тӱрлӧ тӱсан виола-влак каваште волгалтше фейерверкын йыпше семынак койыт. Арам огыл композицийым «Сеҥымашлан – салют» манын лӱмдымӧ. Ты пеледыш пелед пытымеке, олмешыже петунийым шындат, юалге игече шогымылан кӧра тудым кызытеш клумбыш лукмо огыл.
Л.СЕМЕНОВА
Фотом Йошкар-Ола администрацийын сайтше гыч налме
