УВЕР ЙОГЫН

Сайлымаш-2018: Волонтёр коклаш ушно

Россий Президентыш кандидат В.Путинын республикысе сайлымаш деч ончычсо штабше волонтёр-влакым пога. 

Тушко кузе ушнымо нерген  штабын волонтёржо дене пашам  ыштыме шотышто координатор Л.Лоскутова каласкален. Волонтёр 18 ияш деч кугурак кажне еҥ лийын кертеш. Нунын радамыш логалаш putin2018.ru але путин2018.рф сайтыште регистрацийым эртыман. Тушто «Стать волонтёром» кнопкым темдалман, анкетым возыман да собеседованийыш мияш ӱжмашым вучыман.

Волонтёр-влак  сайлымаш деч ончычсо штабыште телефон дене пурышо йодыш-влаклан вашештат, общественный приемныйышто ыштыше пашаеҥ-влаклан полшат, СМИ, соцкылыште уверым шаркалат, сайлыме участкыште эскерыше семын тыршат. Но волонтёр-влак радамыш ушнымо деч ончыч тунемман. Тудым 15-20 еҥ погына гын веле эртарат.

Икымше собеседований  7 февральыште лийын. Марий Элыште тудым лу еҥ эртен.

— Закон почеш волонтёр сайлымаш жапыште эскерыше семын ыштен кертеш, а теве шке кандидат верч агитацийым эртараш чаралтеш, — палемдыш Л.Лоскутова.

Л.ШАБДАРОВА.

Опубликовать в Одноклассники

Добавить комментарий