Марий Элыште 4800 утла ветеран Кугу Отечественный сарыште сеҥымылан 75 ий темме лӱмеш ик гана тӱлыман выплатым налын.
Россий Пенсий фонд Кугу Отечественный сарын ветеранже-шамычлан Сеҥымашлан 75 ий темме дене кылдалтше выплатым тӱлен пытарен. 75 але 50 тӱжем теҥге кугытан средствам элыштына миллион утла ветеран налын. Россий президентын кӱштымыж дене келшышын, палемдыме оксам апрель мучаштак тӱлымӧ.
Тиде выплате дене пырля ветеран-шамыч тыгак ий еда ик гана тӱлыман 10 тӱжем теҥге кугыт выплатым налыныт. Элым вуйлатышын указше дене келшышын, тудым Кугу Отечественный сарын 1941-1945 ийласе событийлаштыже участвоватлыше инвалид ден участник-влаклан пуэныт.
Но… Тӱрлӧ амаллан кӧра, мутлан, почтальонын оксам намийымыж годым ветеран мӧҥгыштыжӧ лийын огыл, выплатым налын шуктымо огыл гын, тудым майыште садак пуэн шуктат.
М.ИВАНОВА
