«МАРИЙ ЭЛ» ТАЧЕ

Пеледыш пайрем – у верыште

Марий рӱдолаште «Пеледыш пайрем» 17 июньышто лиеш.

Тений тудо у верыште,  ончыкыжым «Марий парк» лийшашлык олмышто, эртышаш.

Российысе икмыняр моло регионышто илыше марий-влакынат Пеледыш пайремышт кунам эртымышт рашемын. Пайремже гына южо вере вес семын маналтеш, кӧн – Семык, кӧн  – Ага пайрем.  Мутлан, ик эн ончыч, 27 майыштак, Пеледыш пайремым Ленинград бласть ден Санкт-Петербургышто илыше марий-влак эртарат. Тиде Всеволжск оласе Юбилейный площадьыште лиеш. Тений тудо ты кундемысе марий-влакын «Ший корно» НКА-жым ыштымылан 10 ий теммыжлан пӧлеклалтеш.

3 июньышто «Семык» Одо Республикысе Алнаш район Маскаялыште, тыгак Татарстанысе Агрыз район Пелемеш селаште лиеш. Свердловск областьысе марий-влакын Ага пайремышт тений  10 июньышто Екатеринбург олаште эртышаш.

 С.Носова

Опубликовать в Одноклассники

Добавить комментарий