«Ойыртемалтше вӱд объект-влакым аралымаш» регионысо проект дене келшышын, тений Оршанке райнышто йоген эртыше Ошла эҥерын пундашыжым эрыктат.
Ты пашам колын мӧртьным кышкен пытарыме пагытыше гыч тӱҥалыт. Тӱрыс пашан акше 43887,6615 тӱжем теҥгеш шуэш. Тенийже тидлан 23210 тӱжемым кучылтшаш улыт. Эрыктыме пашан кумдыкшын кужытшо 6 километр утларакыш шуэш. Ты пашам тӱрыс шуктат гын, эҥер пелен улшо калыкынат илыме экологий условийышт саемеш.
С.Носова
