Кугыжаныш награде
Пашаште надырым пыштымылан
Юрий Зайцев Россий Федерацийын да Марий Эл Республикын кугыжаныш наградыштым кучыктен.
Наградым республикыште илыше да туныктымо, журналист, тӱвыра, тазалыкым аралыме, чоҥымо, моло пашаште надырым пыштыше-влаклан пуымо.
«Таче ме паша, профессионал да эртыме корныланна кӱлешан иктешлымашым ыштена. Кажныже шкенан эллан, республиклан, калыклан кертмына семын служитлена. Кызыт мемнан ончылно тыглай огыл задаче шога, вашла полшымо да икоян улмо нигунамсе деч чот кӱлешан. Санденак пашаланда тауштымым чынлан шотлыман. Ӱшанем, нине награде-влак у кӱкшытыш шуаш кумылаҥдат», – каласен Марий Эл вуйлатыше .
РФ президентын указше дене «Россий Федерацийын сулло журналистше» почётан лӱмым «Россий журналист ушем» мер организацийын республикысе регионал отделенийжын еҥже Александр Климовлан кучыктымо
«Россий Федерацийын сулло лесоводшо» почётан лӱмым «Районла кокласе Кечывалвел чодыра управлений» Марий Эл ГКУ-н филиалже – Куяр лесничествын Куяр лесничествыжын участке лесничийже Виктор Воронковлан пуымо.
«Россий Федерацийын кӱшыл школжын сулло пашаеҥже» почётан лӱмым Марий кугыжаныш университетын кафедрыжын профессоржо Татьяна Золотова налын.
«Россий Федерацийысе тӱвыран сулло пашаеҥже» почётан лӱм дене Волжский муниципал район администрацийын рӱдӧ клуб системыжын район кӱкшытан Памар тӱвыра пӧртшын калык усталык шотышто методистше Тамара Яранцева палемдалтын.
«Марий Эл ончылно заслугылан» орденын медальже дене Марий Эл вуйлатышын секретариатшым виктарышын алмаштышыже Галина Егошина, Шернур район «Земледелец» ялозанлык артель» СППК-н председательже Светлана Клепикова наградитлалтыныт.
«Марий Эл Республикысе илыме вер ден коммунал озанлыкын сулло пашаеҥже» почётан лӱмым Административный зданийла дене пайдаланыме да шотышто кучымо управленийын директоржо Николай Пигулевский сулен.
«Марий Эл Республикысе образованийын сулло пашаеҥже» почётан лӱмым Морко район Нуж-Ключ кыдалаш школышто лӱдыкшыдымылык да элым аралыме негызым туныктышо Владимир Веденеевлан, Волжский район Сотнур кыдалаш школышто физкультурым туныктышо Олег Ивановлан, Волжск оласе 10-шо №-ан кыдалаш школышто историйым туныктышо Ольга Мироновалан, Марий Элысе автодорожный техникумышто производствым туныктышо мастер Владимир Павловлан, Йошкар-Оласе М.В.Ломоносов лӱмеш кугыжаныш лицейыште обществознанийым да правом туныктышо Эльвира Тихоновалан пуымо.
«Марий Эл Республикым ыштымылан 105 ий» шарнымашан медаль дене «Паллада» парус клуб йоча мер организацийын председательже Андрей Желудкин, Йоча ден самырык-влакын «Юнармий» военно-патриотический мер толкыныштын регионысо штабшын начальникше Александр Мухачев, Сарын, пашан, вооруженный вийын да правам аралыше орган-влакын ветеранышт Россий мер организацийын Марий республик организацийжын председательже Николай Сорокин палемдалтыныт.
Марий Эл вуйлатышын пресс-службыжын уверже негызеш ямдылыме.
Снимкыште: наградым кучыктымо деч вара.
Денис Речкинын фотожо.
