Марий Эл правительстве председательын алмаштышыже Евгений Курмаевын вуйлатымыж почеш республикыште Коррупций ваштареш кучедалме пашам виктарыме шотышто комиссийын черетан заседанийже лийын.
Совещанийыште Марий Эл вуйлатышын администрацийже, исполнительный кучем, верысе самоуправлений, силовой ведомство, прокуратур гыч, общественность да бизнес еҥ-влак лийыныт. Тушто республикын Тӱвыра, савыктыш да калык-влакын пашашт шотышто министерствыште да «Волжск ола» ола округын администрацийыштыже коррупций ваштареш кучедалме паша кузе кайыме нерген мутланеныт. Тыгак калык дене пашам ыштыше кучем орган ден предприниматель-влакын ушемыштын коррупций ваштареш кучедалме нерген законодательствым шуктымо шотышто пашаштын пайдалыкшым кугемдыме йодыш-влакым онченыт. Заседаний мучаште ончыкыжым эртарышаш мероприятий-влакым палемденыт.
Марий Эл Республикым вуйлатышын администрацийжын информаций паша пӧлкажын уверже негызеш Л.Камалетдинова ямдылен
