Марий Эл «Парк-влакын маршышт» пӱртӱсым аралыме тӱнямбал акцийыш ушнен.
Республикыште акцйын организаторжо «Кугу Какшан» заповедник лийын. 600 наре еҥ Килемар посёлкысо уремла дене эртен. Нуно Пӱртӱсым аралыме всероссийский, Руш географический обществе-влакын регионысо пӧлкаштын, Марий межрайонный пӱртӱсым аралыме покуратурын, Йоча да самырык-влакын «Эрвий» да икмыняр моло организацийын еҥышт да школ тунемше-влак лийыныт.
Акций заповедник ден национальный парк-влакым, моло пӱртӱс кумдыклам арален кодымашке виктаралтын.
Снимкыште: акций годым.
Фотом Марий Элын Пӱртӱс поянлык, экологий да йырым-йырысе средам аралме министерствын воткыл лаштыкше гыч налме.
