Александровский садыште верланыше Палыдыме салтакын шӱгарже гыч тул ужашым Марий Элыш конденыт.
Чап миссийым Российын Геройжо Дамир Шаймардановын аваже Ирина Викторовна шуктен.
Калык фронтын «Газпром» ПАО дене пырля эртарыме «Огни Памяти» тӱнямбал патриотический акцийже дене келшышын, Ирина Викторовна лампадым республикыш конден. Ты лампаде деч кушкыжмын лу шагатлан Медведево посёлкысо Воинский чап мемориал воктене Курымашлык тулым чӱктат.
У Курымашлык тул патырлыкын, тукым кылым ушышо, Шочмо Элнам аралыше да эрык верч илышыштым пуышо сарзына-влакын вий-куатыштым ончыктышо символжо лиеш.
Палыдыме салтакын шӱгарже деч тулым Российын 130 утла олашкыже да 21 элыш колтат. Мутлан, Белоруссийыш, Болгарийыш, Венесуэлыш, Замбийыш, Израильыш, Индийыш, Кипрыш, КНДР-ыш, Сербийыш да Абхазийыш, моло вереат.
