1 сентябрьыште Экологий да пӱртӱсым аралыме 2027 ийысе проект-влакын конкурсышт тӱҥалын.
Конкурсышто национальный парк ден поснак аралыме моло пӱртӱс территорийым виктарыше учреждений, коммерческий огыл организаций, тыгак эколог, ученый-биолог-влакын командышт участвоватлен кертыт.
Йодмашым 1 гыч 30 сентябрь марте президентскийфондприроды.рф сайтыште налыт.
Пуымо проект-влакын тематикышт биологический разнообразийым шымлыме, аралыме, тудым эскерыме дене кылдалтшаш. Тиде эн ончычак шуэн вашлиялтше янлык-влакын видыштым, илыме верыштым арален кодаш полшышо инициативе-влак улыт. Тыгак тиде пӱртӱсым аралыше-влак ушемын кадр куатшым вияҥдыме, волонтёр пашам ыштыме шотышто проект-влак, эколого-просветительский проект-влак. Посна направленийыш Арктике зонышто пӱртӱс средам арален кодаш полшышо инициативе-влакым ойырымо.
Конкурс кок этап дене эрташ тӱҥалеш. Ончыч участник-влак проектыштым ончыктат, а эксперт совет нунын кокла гыч эн кӱлешанжым ойырен налеш.
Икымше этапын финалистше-влак шке проектыштым ыштен шуктат, вара нуным эксперт-влак аклатю
Конкурсым 2027 ий февральыште иктешлат. Сеҥышыш лекше проект-влакым 1 март гыч илышыш шыҥдараш тӱналын кертыт .
Грант фондын кугытшо -1 млрд теҥге.
