Йолташ-влак, тендан полшымо дене кодшо арняште мурызо-шамыч коклаштышт тыгайрак «тошкалтышым» чоҥеныт.
- Кристина Краснова – «Авай»
- Николай Изергин – «Чеверын код – эрла мартен»
- Иван Смирнов – «Ах, шараҥге, ший парча»
- Надежда Мокеева – «Окна яндам шупшале теле»
- Геннадий Куклин, Лидия Сапаева – «Ош лумын вальсше»
- Надежда Степанова – «Чын йӧратымаш»
- Надежда Крылова – «Эргымлан»
- Александр Марков – «Тылат, пагалымем»
- Светлана Строганова – «Пеледеш, пеледеш…»
- Алексей Милютин – «Йӧратем»
Йӧратыме мурызыланда ончыл верым налашыже кузе полшышашым огыда пале гын, ушештарена: 5533 кӱчык номерыш SMS-ым колтыман. Тӱҥалтыште МАРИ мутым возыман, вара, яра верым кодыде, мурын номержым шындыман. Муро лӱмым кавычкыш налман огыл. Йӱклымаш SMS-ПОРТАЛ-ыште кая.
Хорышто мурат
Геннадий Куклин Параньга район Осиял ялеш шочын-кушкын, а кызыт Йошкар-Олаште ила. Ятыр ий воинский частьыште служитлен, кызыт – сулен налме канышыште, ороллан тырша.
Лидия Сапаеван шочмо кундемже – У Торъял Човыксола ял. Ятыр ий тӱвыра аланыште пашам ыштен, Йӱдвел кундемыштат, Москоштат тӱрлӧ пашам шуктен. Кызыт Йошкар-Олаште ила, уныкаже-шамычым ончаш полша.
Геннадий ден Лидия коктынат Марий хорыш (вуйлатышыже – Марий Эл тӱвыран сулло пашаеҥже Надежда Шуварова) мураш коштыт. Туштак нуно палыме лийыныт.
– Лидия дене икмыняр мурым дуэт дене ямдыленна. Нунын кокла гыч кокытшым Марий эл Радиош колтенна, – палдара Геннадий Куклин. – «Ош лумын вальсше» мурылан мутым Лидия Иксанова возен, а семым Геннадий Куклин келыштарен, аранжировкым Александр Куприянов ыштен.
Алевтина БАЙКОВА
Фотом Л.Сапаеван еш альбомжо гыч налме
