27 мартыште Марий кугыжаныш университетын Педагогический институтыштыжо школышто тунемше-влакын регион-влак кокласе XIII педагогический олимпиадышт лиеш.
Отборочный (дистанций йӧн дене) турышто Марий Эл, Татарстан, Чуваш республикла, Нижегородский область, Калининград ола, Ямал-Ненецкий автономный округ гыч 237 ӱдыр-рвезе таҥасен.
Олимпиадын пытартыш йыжыҥыштыже 74 участник моштымашым ончыкта. Нуно «Десять на десять. След в истории», «Педагогический эстафете» да моло конкурслаште усталыкым да шинчымашым тергат.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
