Республикысе колледж ден техникумлаште демонстраций экзамен-влак эртат.
Демонстраций экзамен – кыдалаш профессионал образованийым пуымо организацийын выпускникше-шамычлан кугыжаныш иктешлыше аттестаций. Ойырымо профессийжылан самырык еҥ практике могырым ямде улмыжым лач тиде тергымаш ончыкта.
Тений кундемыштына демонстраций экзаменым 24 тунемме вер гыч чумыр налмаште 50 профессий дене 2363 ӱдыр-рвезе куча. Тергымашым эртараш колледж ден техникумлаште 100 рӱдерым почмо.
Экзаменым эртыше-влак диплом дене пырля компетенций дене «цифран паспортым налыт.
Г.Кожевникова
Фотом Марий Эл СПО-н соцкылысе лашткыше гыч налме
