КУЧЕМЫШТЕ УВЕР ЙОГЫН

«Ончыко гына!»

Марий Эл Правительстве пӧртыштӧ регионым вуйлатыше Юрий Зайцев 2021-2022 ийлан Олык Ипай лӱмеш кугыжаныш молодёжь премийын лауреатше-влаклан – чылаже 20 еҥлан – наградым кучыктен.

« Тиде награде тендам ончыко ошкылаш тендам эшеат кумылаҥдышаш. Мо куандарышыже, паша-влак тӱрлӧ отрасль, теме, направлений дене улыт. Сай лектышыш шуаш манын, тыршымаш да вий-куат кӱлыныт. Пашам ыштыза, вияҥза, тунам вара  чыла премийым сеҥен налаш вийда ситышын лиеш! Ончыко гына!» – каласен Юрий Викторович да шушаш ийыштат элнам тӱзатыме верч тыршаш тыланен.

2022 ийыште палемдыме премийым кум номинаций дене пуымо: литератур, тӱвыра да архитектур, науко, технике да производство, тыгак социальный могырым кӱлешан да мер паша.

Марий Эл вуйлатышын администрацийжын информаций паша пӧлкажын негызеш Г.Кожевникова ямдылен.

 

Опубликовать в Одноклассники

Добавить комментарий